Поради понатамошен развој и унапредување на процесите за управување со човечки ресурси, ПЗУ СИНЕВО Скопје бара одговорен, организиран и проактивен професионалец за позицијата Специјалист за управување со човечки ресурси.
Главни работни задачи и одговорности
- Организирање и спроведување на постапките за прибирање и избор на кандидати за вработување.
- Подготовка и објавување огласи, разгледување пријави, почетен избор на кандидати и организација на интервјуа.
- Координација на документацијата и активностите потребни пред вработување и при воведување на нововработените во работата.
- Водење и редовно ажурирање на кадровската документација и евиденциите за вработените.
- Координација на договори за вработување, анекси, решенија, потврди и други документи од работен однос во рамките на дадените овластувања.
- Следење на кадровски промени, годишни одмори, отсуства, промени на работни места и престаноци на работен однос.
- Координација и следење на задолжителните, стручните и развојните обуки на вработените.
- Поддршка на процесот на поставување цели и оценување на работната успешност.
- Собирање, проверка и навремено доставување на кадровските податоци потребни за пресметка на плати.
- Подготовка на редовни извештаи и анализи за бројот и структурата на вработените, движењето на кадарот, отсуствата, вработувањата, обуките и други показатели.
- Подготовка, проверка и доставување на потребните податоци и извештаи до надлежните функции на Medicover.
- Давање стручна и административна поддршка на вработените и раководителите за прашања од областа на човечките ресурси.
- Поддршка на активности за подобрување на ангажираноста, задоволството и задржувањето на вработените.
- Следење на примената на законските прописи, интерните акти, политиките и процедурите од областа на човечките ресурси.
- Обезбедување доверливост и соодветна заштита на личните податоци на кандидатите и вработените.
Потребни квалификации и услови
- Завршено високо образование.
- Најмалку 3 години релевантно работно искуство во областа на човечките ресурси.
- Искуство во избор на кадар, кадровска администрација, воведување на нововработени, обуки и известување се смета за предност.
- Добро познавање на прописите од областа на работните односи.
- Добро работно познавање на англиски јазик.
- Напредно користење на Microsoft Office, особено Excel.
- Способност за работа со информациски системи и електронски системи за учење.
- Искуство во меѓународна компанија и/или здравствена дејност се смета за предност.
Лични и професионални компетенции
- Високо ниво на доверливост, интегритет и професионалност.
- Одлични комуникациски способности и активно слушање.
- Организираност, точност и внимание на детали.
- Проактивност и иницијативност.
- Аналитичко размислување и способност за работа со податоци.
- Способност за поставување приоритети и следење на повеќе паралелни задачи.
- Способност за соработка со вработени и раководители на различни нивоа.
- Ориентација кон решавање проблеми и континуирано подобрување.
Што нудиме
- Стабилна и одговорна позиција во меѓународна здравствена групација.
- Можност за активно учество во развојот и унапредувањето на процесите за човечки ресурси во СИНЕВО Македонија.
- Професионална работна средина и соработка со локални и меѓународни тимови.
- Можности за професионален развој и обуки.
- Службени средства за работа согласно интерните правила на компанијата.
Начин и рок за пријавување
Заинтересираните кандидати треба да достават кратка биографија на македонски и/или англиски јазик на електронската адреса:
Изборот ќе се изврши во рок од 45 до 120 дена во зависност од бројот на пријавени кандидати за работното место, сметано од истекот на рокот за пријавување. Ќе бидат контактирани кандидатите кои ќе влезат во потесен избор.
Податоци за работодавачот
Еднакви можности при вработување
СИНЕВО Македонија обезбедува еднакви можности при вработување. Изборот се врши врз основа на стручните квалификации, работното искуство, компетенциите и соодветноста на кандидатот за работното место, без дискриминација по која било основа утврдена со закон.
Заштита на личните податоци
Со доставување на пријавата, кандидатот доброволно ги доставува личните податоци за целите на постапката за избор. Личните податоци доставени од кандидатите во постапката за избор ќе се обработуваат од страна на ПЗУ Синево Скопје како контролор на личните податоци, исклучиво за целите на спроведување на постапката за избор и вработување, согласно важечките прописи за заштита на личните податоци.
Обработката ќе се врши во обем неопходен за спроведување на постапката за избор, а личните податоци ќе се чуваат согласно применливите законски рокови и интерните акти на работодавачот. Кандидатите ги имаат правата утврдени со прописите за заштита на личните податоци, вклучително и правото да побараат информации во врска со обработката на нивните лични податоци и да се обратат до ПЗУ Синево Скопје или до офицерот за заштита на личните податоци, како и правото на поднесување барање до Агенцијата за заштита на личните податоци.
